أسعار خرافيه والسبب قالو الدولار وصل 1000 افهمو ياناس

*أسعار خرافيه والسبب قالو الدولار وصل 1000 افهمو ياناس*:

*✍️خالد ابو صالح*

مع تباشير عودة الخرطوم لمواطنيها ارتفع سعر الدولار فجاااااة ووصل *١٠٠٠*..

نعم الف جنيه..

رغم انو السودان كلو ما في زول محتاج لدولار عشان يرتفع كدا ..

المطاااار واقف والتصدير واقف والدواء واااقف والخدمة البنكية واااقفه ورجال الأعمال كل واحد في بلد مقطوع من عملو ورغم ذلك ارتفع الدولار ووصل الف جنيه فيما يدل ان المعركة العسكرية أنتهت والسودانين داخليين على معركة اقتصادية تقودها الإمارات وذنبها أحزاب قحط الفاشلة واتمنى ان لا تكون طرف فيها الرياض

من الأمس وقناة الحدث تفرد مساحات واسعة لارتفاع الدولار في السودان وتحذر السودانيين من ارتفاع مخيف في الاسعااار..

قناة الحدث حنينه وخائفة علينا من العساكر وعنفهم في حل الخلاف …

يا قناة الحدث اصلا نحن في حرب وما قاعدين نصدر حاجة برره بالدولار ولانستورد حاجة بررره بالدولار عشان يرتفع كدا ..

علاقتنا الايام دي بالدولار زي علاقة حميدتي مع الدنيا…

يعني حكاية أسعار ترتفع عشان الدولار ارتفع دي العبوا غيرها لأننا الايام دي هجرررنا النوتيلا المستوردة وقاعدين ناكل ممانزرع ونلبس مما نصنع..

عصيدة وقراصة وعدس وفول ولحمة…

دولار يرتفع ينزل يرقص عشرة بلدي دا اصلوا ما موضوعنا فياريت الخلايجة يرسلو لينا كورونا بالشملي علها تركع السودانيين تحت كراسيهم وتاتيهم

وموارد السودان طوعا وكرها مختارة لعبودية بن زايد ونقيف مع السيسي في ضل الخيمة…

جربوا معانا كل اسلحتكم وحركوا عملاءكم بالداخل والخارج فلن تجدوا والله منا الا الصبر والجلد وأم قدوما عنفا…